由於某工程在進行中，如欲瀏覽更多資訊，煩請移玉步到以下地址：http://spaces.msn.com/members/leona8382/　有所不便，敬請見諒。

《天空的藍》

唔知大家平時有冇向上望既習慣，向上望下今日個天空係乜野顏色，多唔多雲，誅如此類。

星期六果日，係我黎左倫敦咁多個月以黎最熱既一日，雖然有猛烈既陽光照射住大地，但，並沒有悶焗，抖不過氣來的感覺，反而令人想跑到太陽底下享受日光浴。呢一日既天空好靚，一塵不染的，有如一大片淺藍色的掛畫紙掛於高高的天空上一樣，那種睛朗的天空不常有，而那種剔透的，沒有瑕疵的藍，更令我聯想起完美。

星期日，天睛，但天空不再只有一大片的淺藍色，它，多了一片又一片薄如紗輕如紙的雲，那些白雲，不多不少的作伴，作點綴。我很喜歡那種有白雲的藍天，白雲像魚鱗，像雲花，很美很美。

這天，我和Ｋ友人結伴到公園野餐去。我們坐在樹蔭下乘涼，吃著我們預先準備的漢堡飽（入面有芝士，生菜，生洋蔥同埋一塊漢堡扮），蠔油生菜，哈哈，好希望可以帶呢種享受返澳門，好想帶好多向呢邊既生活細節返去同屋企人分享；但我知道，可能返返澳門之後好難再有呢ｄ機會，畢竟澳門既生活方式同呢邊真係有好多不同之處。不過我依然相信，事在人為．．．

《勇》

夜欄人靜，一通維持約一百八十分鐘的電話，是擾人清夢嗎？本是而昨非也。

友人以兩英鎊作出了一個決定，姑勿論是何等決定，或何其重要；但，友人之選擇的確是需要一份勇氣，而慶幸她那份勇氣，本人曾有。

思緒凝聚，結合，再分解。

後記：愛一個人需要一份勇氣，一份“付出”的勇氣。

            離開一段長期關係同樣需要一份勇氣，一份“永不回頭”的勇氣。

            離開後，再投入新一段的愛情，相信更需要一份勇氣，一份“不怕再被辜負”的勇氣。

            願友人會找到一個真正屬於她的．．．．．．他

《召喚和回答》

寄人籬下既感覺真係一ｄ都唔好受，更愁既係呢個屋主係一個有潔癖，自我中心，自我保護力超強既一個怨婦。點解我會形容佢係一個怨婦，係因為佢成日都會做一ｄ野出黎，有時係佢自願做，不過之後會埋怨佢呢個同事或果個朋友唔做。雖然係咁，但直覺話俾我知佢內心係一個好好既女人，只不過佢大部分時間都收埋左咁。

佢對我真係忽冷忽熱，有時都好難捉摸佢既心理同情緒；加上同一個有極度潔癖既人一齊住，我的而且確要做多好多功夫，但係我亦好慶幸我係入住左佢間屋；因為我有唸過如果我唔係同佢住可能我會仲痛苦，因為其他既實在係接受唔到既污糟。（其實我自問都有輕微既潔癖，因為我成日都要不停洗手。）我相信英國冇乜邊個間屋有佢咁整齊乾淨，因為佢地既文化問題吧。最令我覺得自豪既係我為左適應佢既生活模式，我向度改哂我以前向屋企ｄ壞習慣。我唸開心既除左我之外，莫過於我媽咪啦！實在有點驚嘆，因為我向黎到既第一個星期佢同我講哂佢ｄ生活方式同對我既要求之後，我就一直做到宜家。我有時會覺得自己好似入左ｄ什麼飛鷹計劃咁，簡直係有條理到爆。有時因為佢成日調整我，不停咁要求，攪到我成日都要步步為營，好驚自己做得唔合佢心水，唔合佢心水佢或者會再話我，我好怕呢ｄ，好彩每次佢都冇重複話我同一樣野，我當自己合左格架啦！

到上個禮拜，好黑仔，我第一次做錯事，就係整唔見佢俾我保管既窗口鎖匙（我房間個窗口要用鎖匙開先開到，我出街既話就要鎖返），雖然我知佢有多一條，但話哂我整唔見，真係極度唔開心，又驚佢唔知會同我講乜。之後我就大規模式搜查，向我房做完地毯式搜尋之後，又去埋地鐵站同個Supervisor講，佢又叫唔同站ｄ同事幫手，又幫我追call，其實都幾誇。搞左好耐都冇消息，唯有同我屋主道歉同解釋，話幫佢配過一條；但係佢叫我繼續搵，講真，我真係冇頭緒啦，我都唔知我可以向邊度搵返俾佢。

第二晚，我同自己講左一句『承認自己的錯事不丟架，勇於面對才是勇者。』之後，我就落樓再鄭重一次超級認真咁同佢再道歉。我覺得我好似一個小朋友做錯事懇求一個大人原諒咁。之後我好開心好開心，因為我可以有覺好訓同埋我學識點樣去面對佢。之後我借左佢條鎖匙去配過一條，中途又俾我見識左好多。原來呢度配鎖匙都好搞笑，我入到間鋪頭，打算叫果個人幫我配，佢就羅左本好似百科全書既書出黎，原來佢要向本書度搵返條一模一樣既鎖匙形狀，佢用我俾佢果條向度度來度去，之後問我係乜鎖匙，就叫我去賣窗既鋪頭問，真係一頭霧水。咁我咪照佢方法做啦，去到賣窗既鋪頭時，我又俾左我條鎖匙個女人，之係佢向個倉度羅左條一模一樣既出黎，仲話我知係最後一條，想再要既話佢要入貨先得，而呢條佢唔收我錢，因為佢打算關門，如果下次再幫親先收我錢。之後我多謝左佢就羅左條鎖匙走。

其實我有時都會唸，點解我當初會黎英國，點解有好多選擇既時候我會行呢一步，之後引出我會認識到我既同事，呢度既朋友，要同一個咁樣既人一齊生活六個月。宜家我好肯定，我黎英國係一種召喚，而我既回答係我要成長，我要樂觀咁面對我既經歷，我既人生，我要學識點同人相處，學識獨立同自處。我開始覺得原來好多野都有答案架．．．

＜希望今天遇見你＞

之前，當我完成了一篇關於過客既文章既時候，有朋友曾經向我提及過其中一部幾米既著作－希望今天遇見你。今天，本人卻無意間找到一點兒．．．一點兒有關它的足跡～

我遇到貓在潛水，

卻沒遇到你。

我遇到狗在爬樹，

卻沒遇到你。

我遇到夏天飄雪，

卻沒遇到你。

我遇到冬天颳風，

卻沒遇到你。

我遇到豬都在結網了，

卻還是沒有遇到你。

我遇到所有的不平凡，

卻一直遇不到平凡的你。

是真的尚未遇到平凡的他，還是因為過於平凡而沒有察覺？這大概都是時機尚未來臨。

我們就在此靜待他的出現，他的眼神，他的笑臉，他的揮手，他的告白．．．